Իրանական պատվիրակությունը լքել է Շվեյցարիան և ուղևորվել Թեհրան

Իրանի պատվիրակությունը՝ խորհրդարանի խոսնակ Մոհամմադ Բաղեր Ղալիբաֆի գլխավորությամբ, ԱՄՆ-ի հետ ավելի վաղ ստորագրված հուշագրի իրականացման շուրջ 18 ժամ բանակցություններից հետո լքել է Շվեյցարիան և ուղևորվել Թեհրան: Այս մասին թելեգրամյան իր ալիքում հայտնել է Իսլամական Հանրապետության ԱԳ նախարար Աբբաս Արաղչին։

Ավելի վաղ Կատարն ու Պակիստանը, որոնք միջնորդի դեր են կատարում Թեհրանի և Վաշինգթոնի միջև, հայտնել էին, որ շվեյցարական Բյուրգենշտոկում կողմերը մշակել են Իրանի և ԱՄՆ-ի միջև վերջնական համաձայնագրի կնքման համար ճանապարհային քարտեզ: Բացի այդ, կստեղծվի հատուկ հանձնաժողով՝ բանակցությունների ընթացքը վերահսկելու համար։

Արաբական «Ալ-Մայադինը»՝ հղում կատարելով Ժնևում գտնվող իր թղթակցին, հաղորդել է, որ իրանական պատվիրակությունը պատրաստ է վերադառնալ ԱՄՆ-ի հետ բանակցություններին միայն ԱՄՆ նախագահ Դոնալդ Թրամփի ներողությունից և իսրայելական զորքերի՝ Լիբանանի հարավից դուրսբերումից հետո։