«Թրամփը մի քանի տարբերակ ունի՝ Իրանի կողմից գործարքից հրաժարվելու դեպքում»․ Ռուբիո

ԱՄՆ նախագահ Դոնալդ Թրամփը գործողությունների մի քանի տարբերակներ ունի Իրանի կողմից համաձայնագրի պայմանները չպահպանելու դեպքում, սակայն Վաշինգթոնը շարունակում է նախընտրել դիվանագիտական լուծումը, ասել է ԱՄՆ պետքարտուղար Մարկո Ռուբիոն։

«Նախագահն իր տրամադրության տակ ունի մի շարք տարբերակներ։ Եթե Իրանը խախտի իր խոստումը կամ որոշի, որ չի ցանկանում գործարք կնքել, հուսանք, որ դա տեղի չի ունենա, քանի որ մենք դա չենք ուզում։ Մենք դիվանագիտությանը կտանք աշխատելու բոլոր հնարավորությունները... Եթե ոչինչ չստացվի, նախագահը գիտի, թե ինչ տարբերակներ ունի», - ասել է Ռուբիոն Պարսից ծոցի երկրների արտաքին գործերի նախարարների և Բահրեյնի թագավորի հետ հանդիպման ժամանակ։

Նրա խոսքով՝ այդ ուղղությամբ լավ թիմ է աշխատում։ Ընդ որում, պետքարտուղարը հրաժարվել է բացահայտել, թե կոնկրետ ինչ գործողությունների տարբերակներ է դիտարկում Թրամփը։