«Մունդիալի առաջին սենսացիան՝ Գերմանիան դուրս մնաց պայքարից»․ Էդուարդ Շարմազանով

ՀՀԿ Գործադիր մարմնի անդամ Էդուարդ Շարմազանովի ֆեյսբուքյան գրառումը․ «Մունդիալի առաջին սենսացիան՝ Գերմանիան դուրս մնաց պայքարից։
Պարագվայի հավաքականը հաղթեց Գերմանիայի հավաքականին 11 մետրանոց հարվածաշարերով։
Դե ինչ՝ առաջին սենսացիան արդեն կա։
Գերմանիայի հավաքականը լքում է մունդիալը։
Հանուն արդարության պետք է ասել, որ այս Գերմանիայի հավաքականը զիջում էր թե Բեկենբաուերի, թե Մաթեուսի և թե Շվայնշտայգերի սերունդների հավաքականներին։
Այս հավաքականում չկային Ֆյոոլերի, Քլինսմանի, Ռումենիգու, Օզիլի ու Քրոսի մակարդակի խաղացողներ։
Էլ չեմ խոսում Կայզեր Ֆրանցի ու Լոթար Մաթեուսի մասին։
2014-ի ոսկե հավաքականից մնացել էր Մանուել Նոյեր, բայց ՝ «один в поле не воин»:
Բրազիլիան էլ չտպավորեց, չնայած վերջին րոպեին հաղթանակ կորզեց Ճապոնիայի հետ խաղում։
Ֆրանսիա, Արգենտինա, Իսպանիա, Անգլիա, Պորտուգալիա…
Սպասենք ձեր հանդիպումներին»։