Հինգշաբթի, 03 սեպտեմբերի, 2026 թ.
|
Ստեփանակերտում`   +24 °C

«Լրիվ՝ «ինչ էլ լինի, մենք մեզ պարտված չենք զգալու-2» վիճակ է»․ Էդուարդ Շարմազանով

«Լրիվ՝ «ինչ էլ լինի, մենք մեզ պարտված չենք զգալու-2» վիճակ է»․ Էդուարդ Շարմազանով
1187
Չորեքշաբթի, 01 հուլիսի, 2026 թ., 10:12

ՀՀԿ Գործադիր մարմնի անդամ Էդուարդ Շարմազանովի ֆեյսբուքյան գրառումը․ «Ի՞նչ էլ լինի, մենք մեզ պարտված չենք զգալու-2:
Գերմանիայի հավաքականի ցավալի պարտությունը Պարագվայից աշխարհի առաջնության 1/16 եզրափակչում մեծ դժգոհություն է առաջացրել Գերմանիայում։
Շատ կտրուկ քննադատությամբ հանդես է եկել գերմանական ֆուտբոլի լեգենդ, 1990-ի աշխարհի չեմպիոն ու հավաքականի ավագ Լոթար Մաթեուսը։
Գերմանիան արդեն երրորդ մունդիալն անընդմեջ ձախողվում է։
Բայց այս ամենից զատ, կա նաև կանցլեր Մերց, ով նշել է. «Դուք ուրախացրեցիք մեր երկրին։ Մենք հպարտ ենք ձեզնով»։
Թիմը պարտվել է, Մերցն ասում է՝ երկիրն ուրախացել է։
Հավաքականը դուրս է մնացել պայքարից, կանցլերն ասում է՝ մենք հպարտ ենք ձեզնով։
Ակամայից հիշեցի Մերցի հայ գործընկերոջը, ով Արցախի կորուստը համարում էր Հայաստանի ինքնիշխանության ձեռքբերում ու հպարտանում մեր երկրի այսօրվա վիճակով։
Լրիվ «ինչ էլ լինի, մենք մեզ պարտված չենք զգալու-2» վիճակ է»։

Աղբյուրը`   Էդուարդ Շարմազանով