«ԱՄՆ-ն և Իրանը կրկին կքննարկեն հուշագիրը՝ Ալի Խամենեիի հուղարկավորությունից հետո»․ Կատարի ԱԳՆ

Կատարի ԱԳՆ պաշտոնական ներկայացուցիչ Մաջիդ ալ Անսարին հաստատել է միջնորդների հանդիպումը ԱՄՆ-ի եւ Իրանի ներկայացուցիչների հետ ՝ երկրների միջեւ հուշագրի քննարկման շուրջ, հաջորդ հանդիպումը նախատեսվում է Իրանի գերագույն առաջնորդ Ալի Խամենեիի հուղարկավորությունից հետո:

X սոցիալական ցանցում ներկայացուցչի հրապարակած հայտարարության համաձայն՝ Կատարի և Պակիստանի միջնորդները Դոհայում ավարտել են առանձին հանդիպումները ԱՄՆ-ի և Իրանի պատվիրակությունների հետ: Նրա խոսքով՝ երկու երկրների միջև ստորագրված փոխըմբռնման հուշագրին վերաբերող հարցերի քննարկման ընթացքում «դրական առաջընթաց» է գրանցվել՝ հաշվի առնելով Շվեյցարիայում կայացած գագաթնաժողովի արդյունքները:

Պաշտոնական ժամանակացույցի համաձայն՝ նախկին գերագույն առաջնորդի հրաժեշտի արարողությունը կմեկնարկի հուլիսի 4-ին՝ առավոտյան ժամը 06:00-ին և կշարունակվի մինչև հուլիսի 5-ի ժամը 20:00-ն։ Հանգուցյալ առաջնորդը հուլիսի 9-ին կհուղարկավորվի Մաշհադում։