«Թրամփը կարող է հայտարարել Թուրքիայի՝ F-35 ծրագրին հնարավոր վերադարձի մասին»․ #AP

ԱՄՆ նախագահ Դոնալդ Թրամփn Անկարա կատարելիք այցի ընթացքում կարող է հայտարարել Թուրքիայի՝ F-35 կործանիչների մատակարարման ծրագրին հնարավոր վերադարձի մասին, հայտնում է Associated Press-ը։

«Թրամփն իր կողմն է գրավել (Թուրքիայի նախագահ Ռեջեփ Թայիփ - խմբ.) Էրդողանին, հասկացնելով, որ իր այցի ընթացքում կարող է հայտարարել նորություններ, որոնք կապված են ավիացիոն շարժիչների մատակարարումների և F-35 ինքնաթիռների հնարավոր վաճառքի հետ, որը տարիներ շարունակ արգելափակված էր Թուրքիայի և Մոսկվայի միջև սերտ հարաբերությունների պատճառով»,- ասվում է հրապարակման մեջ։

Լրատվամիջոցի տվյալներով՝ չնայած Քոնգրեսում առկա դիմադրությանը, ԱՄՆ վարչակազմն ուսումնասիրում է Թուրքիային կործանիչներ վաճառելու հնարավորությունը՝ պայմանով, որ պահպանվի ամերիկյան օրենսդրությունը։ Աղբյուրների խոսքով՝ Պետդեպարտամենտն արդեն տեղեկացրել է առաջատար օրենսդիրներին Քոնգրեսի դիմադրությունը շրջանցելու և Թուրքիային ավելի քան 700 միլիոն դոլարի ավիացիոն շարժիչների վաճառքը հաստատելու մտադրության մասին։