Իրանը հայտնել է ԱՄՆ-ի հարվածների հետևանքով 14 զոհի մասին

1245

Հինգշաբթի, 09 հուլիսի, 2026 թ., 12:17

Առնվազն 14 մարդ է զոհվել, ևս 78-ը՝ վիրավորվել, Իրանի տարածքին ԱՄՆ-ի հասցրած հարվածների հետևանքով, որոնք իրականացվել են հուլիսի 8-ին և 9-ին։ Այս մասին հայտարարել է Իսլամական Հանրապետության առողջապահության նախարարության ներկայացուցիչ Հոսեյն Քերմանպուրը։

Նրա խոսքով՝ 47 տուժածները գտնվում են հիվանդանոցներում և շարունակում են բժշկական օգնություն ստանալ։

Հիշեցնենք, որ անցած գիշեր ԱՄՆ-ն նոր հարվածներ է հասցրել Իրանին։ Դրան ի պատասխան՝ Իրանը հայտարարել է Քուվեյթում և Բահրեյնում տեղակայված ամերիկյան ռազմաբազաներին հարվածելու մասին։