«Նման Ֆրանսիայի հավաքական առնվազն վերջին մի քանի տարում չէի տեսել»․ Էդուարդ Շարմազանով

ՀՀԿ Գործադիր մարմնի անդամ Էդուարդ Շարմազանովի ֆեյսբուքյան գրառումը․ «Իսպանիան հաղթեց Ֆրանսիային ու անցավ եզրափակիչ։
Դե լա Ֆուենտեն հաղթեց Դեշամին։
Պաշտպանության ձախ եզրում Դեշամը Տեոյին թողեց պահեստայինների նստարանին ու խաղաժամանակ տվեց Դինին։
Հենց սա էլ նրա ճակատագրական սխալն էր։
Իսպանիայի երկու գոլերն էլ էդ զոնայից ստեղծվեց։
Յամալն ամբողջ խաղի ընթացքում տանջեց Դինին։
Կենտրոնում Ռոդրի-Օլմո -Ռուիս եռյակը խաղն իր ձեռքն էր պահում, իսկ ֆրանսիական փայլուն տրիոյից՝ Մբապե Օլիսե-Դեմբելե միայն ստվերն էր մնացել։
Նման Ֆրանսիայի հավաքական ես առնվազն վերջին մի քանի տարում չէի տեսել։
Արժանին պետք է մատուցել նաև Սիմոնին, ում վստահ խաղը փոխանցվեց նաև պաշտպաններին։
Իսպանիան հաղթեց արդար պայքարում։
Սպասենք Անգլիա-Արգենտինա խաղին։
Հաջողություն եմ մաղթում Լեո Մեսսիի Արգենտինային»։