Երկուշաբթի, 17 օգոստոսի, 2026 թ.
|
Ստեփանակերտում`   +20 °C

Զապորոժիեի ատոմակայանի գլխավոր ինժեները զոհվել է ուկրաինական ԱԹՍ-ի հարձակման հետևանքով

Զապորոժիեի ատոմակայանի գլխավոր ինժեները զոհվել է ուկրաինական ԱԹՍ-ի հարձակման հետևանքով
2463
Չորեքշաբթի, 15 հուլիսի, 2026 թ., 22:34

Զապորոժիեի ատոմակայանի (ԶԱԷԿ) գլխավոր ինժեներ Ալեքսանդր Յակովլևը զոհվել է ուկրաինացի զինյալների թիրախային հարվածի հետևանքով, հայտարարել է «Ռոսատոմ»-ի գլխավոր տնօրեն Ալեքսեյ Լիխաչևը։

«Ուկրաինայի զինված ուժերի անօդաչու թռչող սարքը հարվածել է Զապորոժիեի ատոմակայանի (ԶԱԷԿ) Toyota Camry ծառայողական մեքենային՝ կայանի արդյունաբերական օբյեկտի և Էներգոդար քաղաքի սահմանին։ Վարորդ Դմիտրի Ֆիլիպովը զոհվել է գլխավոր ինժեներ Ալեքսանդր Յակովլևի հետ միասին»,- լրագրողներին ասել է նա։

Լիխաչովը միջադեպն անվանել է ահաբեկչական հարձակում՝ ընդգծելով, որ դա հնարավոր է դարձել Արևմուտքի կողմից «Կիևի հանցավոր ռեժիմի» ուղղակի խրախուսման շնորհիվ։ «Մենք ԱԷՄԳ-ից ակնկալում ենք այս ողբերգությանն արագ, կոնկրետ և հստակ արձագանք», - հավելել է նա։
Ռուսաստանի քաղաքական ղեկավարությունը տեղեկացվել է միջադեպի մասին։
Կայանը գլխավոր ինժեների սպանությունն անվանել է հարձակում միջուկային օբյեկտի անվտանգության սկզբունքի վրա՝ ընդգծելով, որ այն միշտ պետք է հեռու մնա քաղաքականությունից։