«Իրանի շուրջ լարվածության սրումը վտանգ է ներկայացնում համաշխարհային տնտեսության համար»․ Պեսկով

Ռուսաստանը, ինչպես և տարածաշրջանի մյուս երկրները, արձանագրում է Մերձավոր Արևելքում իրավիճակի ապակայունացման հերթական փուլը։ Այս մասին ճեպազրույցի ընթացքում հայտարարել է ՌԴ նախագահի մամուլի քարտուղար Դմիտրի Պեսկովը։

«Այս ամենը հղի է համաշխարհային տնտեսության համար շարունակական բացասական հետևանքներով, ինչը չի կարող մտահոգություն և ափսոսանք չառաջացնել», - նշել է Կրեմլի ներկայացուցիչը։

Պեսկովի խոսքով՝ Մոսկվան շարունակում է շփումները իր իրանցի գործընկերների հետ՝ չնայած Պարսից ծոցում ամերիկյան ագրեսիայի նոր սրմանը։ Նա նաև նշել է, որ Թեհրանից առայժմ Ռուսաստանի նախագահ Վլադիմիր Պուտինի հետ հեռախոսազրույց անցկացնելու դիմում չի ստացվել։