Ուրբաթ, 30 հոկտեմբերի, 2026 թ.
|
Ստեփանակերտում`   +7 °C

«Հուսանք՝ հաջորդ առաջնությունում նաև Հայաստանը կլինի»․ Թաթուլ Հակոբյան

«Հուսանք՝ հաջորդ առաջնությունում նաև Հայաստանը կլինի»․ Թաթուլ Հակոբյան
2766
Երկուշաբթի, 20 հուլիսի, 2026 թ., 17:06

Լրագրող Թաթուլ Հակոբյանի ֆեյսբուքյան գրառումը. «Իսպանիան բացահայտ ուժեղ էր Արգենտինայից հենց կոնկրետ երեկվա խաղում և արժանիորեն հաղթեց ու նվաճեց Աշխարհի չեմպիոնի կոչումը:
Եզրափակիչ զույգը ևս տրամաբանական էր՝ Աշխարհի և Եվրոպայի չեմպիոնների մրցակցություն:
Արգենտինան, թվում էր, մի նպատակ ուներ երեկվա խաղում՝ հասցնել 11 մետրանոց հարվածաշարի և հաղթանակ տանել բախտի ու Էմիլիանո Մարտինեսի սեյվերի շնորհիվ:
Չստացվեց և արդար էր, որ չստացվեց: Նման խաղով չեն դառնում աշխարհի չեմպիոն:
Բայց դա չի նշանակում, որ Մեսսին ֆուտբոլի արքան չէ, թեև երեկվա խաղում, ինչպես Արգենտինայի ընտրանին, բացառությամբ Մարտինեսի, ոչնչով աչքի չընկավ:
Շնորհակալություն այս առաջնության բոլոր հավաքականներին, մրցավարներին, կազմակերպիչներին, որ մեզ նվիրեցին ֆուտբոլային մեծ տոն:
Հուսանք, որ հաջորդ առաջնությունում նաև Հայաստանը կլինի, թեև դրա համար որևէ հիմք չկա:
Ավելին, Հայաստանը երբեք այնքան հեռու չի գտնվել Աշխարհի կամ Եվրոպայի եզրափակիչ փուլ դուրս գալուց, ինչպես այսօր»:

Աղբյուրը`   Թաթուլ Հակոբյան