«Իսպանիային դիմակայում էին ոչ թե արժանի մարզիկներ, այլ արգենտինական մոզիներ». Սուրեն Սահակյան

Հասարակական-քաղաքական գործիչ Սուրեն Սահակյանի ֆեյսբուքյան գրառումը․ «Շատ ափսոս էր, որ ֆուտբոլի աշխարհի առաջնության եզրափակչում Իսպանիային դիմակայում էին ոչ թե արժանի մարզիկներ, այլ արգենտինական մոզիների յուրօրինակ հավաքածու։ Նրանք ո՛չ էդքան արժանիք ունեին, ո՛չ էլ մարզիկի նվազագույն պատվախնդրություն։ Բա ափսոս չէի՞ն Կաբո Վերդեի, Եգիպտոսի ու Անգլիայի հավաքականները, որ դաշտ էին դուրս եկել՝ երազելով խաղալ ու պատմություն կերտել, ոչ թե մրցակիցներին ծաղրելով, խփելով, վնասելով լակոտաբար ինքնահաստատվել։
Ճիշտ ա՝ մոզիների արգենտինական էս հավաքածուն առաջին տարին չի, որ սենց ա իրեն դրսևորում և նրանցից այլ սպասելիքներն արդարացված չէին։ Բայց առաջինը լինելու, սպորտային կամքի, երազանքի հետևից գնալու հաստատակամության, ֆուտբոլային ինտելեկտի ու անձնազոհության էդ հրավառությունը տեսնելուց հետո, բնական ա, որ եզրափակչում ուզում ես էդ ամեն ինչի խտացումը տեսնել, ոչ թե պատվի հետ կապերը կտրած քուչի թուլեքի ինքնահաստատման դրվագների շարք։ Հուսանք՝ մարզական նախախնամությունը նրանց համար յուրօրինակ, արժանի պատիժներ ա նախապատրաստել ֆուտբոլի միլիոնավոր երկրպագուներին երազախաբ անելու համար»: