«Իրանը շատ շուտով պատրաստ կլինի ԱՄՆ-ի հետ գործարք կնքելուն»․ Թրամփ

ԱՄՆ նախագահ Դոնալդ Թրամփը հայտարարել է, որ Իրանի իշխանությունները հիմա պատրաստ չեն խաղաղության համաձայնագիր կնքել։

«Նրանք ցանկանում են գործարք կնքել։ Բայց ես ասում եմ, որ նրանք պատրաստ չեն գործարք կնքել։ Որովհետև ամեն անգամ, երբ նրանք գործարք են կնքում, ցանկանում են այն փոխել։ Նրանք պատրաստ չեն։ Բայց շատ շուտով պատրաստ կլինեն», - ասել է Թրամփը։

Նախօրեին նա հայտարարել էր, որ Իրանի իշխանությունները ցանկանում են ԱՄՆ-ի հետ նոր հանդիպում անցկացնել՝ ռազմական գործողությունները դադարեցնելու փորձ կատարելու համար։ Թրամփը նշել էր, որ Վաշինգթոնը հետաքրքրված չէ բանակցություններով, քանի դեռ Թեհրանը «պատշաճ կերպով պատրաստ չէ» դրանց։