«Նեթանյահուն խուսափում է Թրամփին Իրանի հարցով պահանջներ ներկայացնելուց»․ #Politico

Իսրայելի վարչապետ Բենյամին Նեթանյահուն խուսափում է Իրանի հարցով ԱՄՆ նախագահ Դոնալդ Թրամփին պահանջներ ներկայացնելուց և, հարաբերությունների սրման ֆոնին, ԱՄՆ առաջնորդի նկատմամբ ավելի զգուշավոր մոտեցում է ցուցաբերում, հայտնում է Politico-ն՝ հղում կատարելով պաշտոնյաներին։

«Փորձելով ազդել Իրանի պատերազմի հարցում Թրամփի վարչակազմի դիրքորոշման վրա՝ Իսրայելի վարչապետ Բենյամին Նեթանյահուն ձեռնպահ է մնում կոնկրետ գործողություններ պահանջելուց՝ սահմանափակվելով խորհուրդներ և տեղեկություններ ներկայացնելով»,- գրում է պարբերականը։

Իսրայելցի բարձրաստիճան պաշտոնյան այդ մոտեցումը ներկայացրել է որպես անուղղակի ընդունում, որ Իսրայելը և հատկապես Նեթանյահուն, պետք է զգուշորեն գործեն Դոնալդ Թրամփի հետ հարաբերություններում, քանի որ Մերձավոր Արևելքի այդ երկրի հեղինակությունը նվազել է ինչպես Սպիտակ տանը, այնպես էլ ԱՄՆ-ում ընդհանրապես։ Պաշտոնյան հայտնել է, որ երեքշաբթի ավելի քան մեկ ժամ տևած հանդիպման ընթացքում Նեթանյահուն և Թրամփը քննարկել են Իրանի դեմ պատերազմի հետագա ընթացքի երեք տարբերակ․ Իրանի միջուկային ծրագրի շուրջ համաձայնության հասնել, միայն տնտեսական ճնշում գործադրել՝ պատժամիջոցների և շարունակվող շրջափակման միջոցով, կամ ուժեղացնել ռազմական գործողությունները։

«Իսրայելցիները գիտեն, որ Թրամփն է որոշումներ կայացնում, ուստի զգույշ են գործում, որ չթվա, թե ինչ-որ բան են պահանջում.. Սպիտակ տունը հիասթափվել է Նեթանյահուից իրանական հակամարտության զարգացման ընթացքում», - գրում է լրատվամիջոցը՝ հղում կատարելով Սպիտակ տան պաշտոնյաին։