ԱՄՆ-ում հանցավոր խմբի անդամին 100 տարվա ազատազրկման են դատապարտել

4385

Ուրբաթ, 31 հուլիսի, 2026 թ., 12:52

ԱՄՆ Ինդիանա նահանգի դատարանը 100 տարվա ազատազրկման է դատապարտել անչափահասին, որը հանցավոր խմբի կազմում սպանություն է կատարել։ Այս մասին հայտնել է ABC News-ը։

15-ամյա տղան 2025 թվականի փետրվարին, լինելով հանցավոր խմբավորման կազմում, սպանել է 26-ամյա կնոջ՝ Ինդիանապոլիսի արվարձան համարվող Անդերսոն քաղաքի գիշերային ակումբի մոտ։ Դատախազության տվյալներով՝ կինը սպանվել է մեկ այլ սպանության վկայի դեմ իրականացված անհաջող մահափորձի ժամանակ։ Նույն ժամանակ հրազենային վնասվածք է ստացել ևս մեկ կին, իսկ երրորդին վրաերթի է ենթարկել մեքենան, որի վարորդը փորձել է հեռանալ վայրից։ 15-ամյա տղան դատապարտվել է 50 տարվա ազատազրկման՝ կնոջ սպանության համար, և ևս 50 տարվա ազատազրկման՝ հանցավոր խմբավորման անդամ լինելու համար։