«ՀԱՊԿ-ում Հայաստանին ձայնի իրավունքից զրկելը կպահանջի կոնսենսուսային որոշում»․ Վիկտոր Վասիլև

Հայաստանին ՀԱՊԿ մարմիններում ձայնի իրավունքից զրկելու որոշումը կպահանջի կոնսենսուս, РИА Новости-ին ասել է ՀԱՊԿ-ում Ռուսաստանի մշտական ​​ներկայացուցիչ Վիկտոր Վասիլևը։ «ՀԱՊԿ Հավաքական անվտանգության խորհրդի հերթական նստաշրջանը տեղի կունենա Մոսկվայում՝ նոյեմբերի 11-ին, և պետությունների ղեկավարները հավանաբար կքննարկեն այդ հարցը։ Դրա վերաբերյալ որոշումը, եթե դրա անհրաժեշտությունը լինի, կընդունվի կոնսենսուսով»,- նշել է Վասիլևը։

Մշտական ներկայացուցիչը շեշտել է, որ ՀԱՊԿ կանոնադրության 25-րդ հոդվածը նախատեսում է պետության քաղաքացիներին քվոտային պաշտոններում առաջադրելու իրավունքի, ինչպես նաև կազմակերպության մարմիններում քվերակելու իրավունքի կասեցման հնարավորություն, եթե տվյալ պետությունը երկու տարվա ընթացքում չի կատարում կազմակերպության բյուջեի նկատմամբ ունեցած պարտքը մարելու իր պարտավորությունները։

«Փաստացի, այս իրավիճակը գոյություն ունի արդեն երկու տարուց ավելի, քանի որ Հայաստանը չի առաջադրում իր քաղաքացիներին քարտուղարության քվոտային պաշտոններում և նաև հետ է կանչել իր ներկայացուցիչներին ՀԱՊԿ-ի միացյալ շտաբից»,- եզրափակել է նա։