«Իրանը նախազգուշացրել է Պարսից ծոցի երկրներին հնարավոր հարվածների մասին»․ #Reuters

Իրանը նախազգուշացրել է Պարսից ծոցի երկրներին, որ ԱՄՆ-ի կողմից Թեհրանի դեմ ագրեսիայի վերսկսման դեպքում կարող է հարվածներ հասցնել նրանց էներգետիկ ենթակառուցվածքներին, հայտնում է Reuters-ը՝ հղում կատարելով տարածաշրջանի իր աղբյուրներին։

«Իրանի նախազգուշացումը միանշանակ էր․ եթե ԱՄՆ-ն հարվածի Իրանի ենթակառուցվածքներին, Թեհրանը պատասխան հարվածներ կհասցնի Պարսից ծոցի էներգետիկ օբյեկտներին և տարածաշրջանի այլ թիրախներին», — գործակալությունը մեջբերում է իր զրուցակիցներից մեկի խոսքը։

Բարձրաստիճան դիվանագետի պնդմամբ՝ Իրանի ԱԳ նախարար Աբբաս Արաղչին Պարսից ծոցի երկրներում Վաշինգթոնի դաշնակիցներին կոչ է արել օգտագործել ԱՄՆ նախագահ Դոնալդ Թրամփի վրա ունեցած իրենց ազդեցությունը՝ նրան հետ պահելու հարվածների վերսկսումից։ Նույն աղբյուրի խոսքով՝ Արաղչին բազմիցս շեշտել է, որ Իրանը պատրաստ է պատասխան քայլերի, սակայն տարածաշրջանում ավելի լայն էսկալացիայից խուսափելու լավագույն միջոցը դիվանագիտական լուծում գտնելն է։