«ԱՄՆ-ն զինամթերքի հսկայական պաշարներ ունի»․ Թրամփ

ԱՄՆ նախագահ Դոնալդ Թրամփը զինամթերքի պակասի մասին պնդումների ֆոնին հայտարարել է, որ երկիրը հսկայական պաշարներ ունի:

«ԱՄՆ-ն ունի «զինամթերքի» հսկայական պաշարներ, հատկապես՝ որոշակի տեսակների։ Բացի այդ, դրանք անհրաժեշտության դեպքում արտադրվում և ԱՄՆ են մատակարարվում հսկայական ծավալներով», — գրել է նա Truth Social սոցիալական ցանցում։

Թրամփը հայտարարել է, որ նման «տեղեկատվական արտահոսքեր» տարածողներին սպառնում են երկարատև ազատազրկման ժամկետներ:

Ավելի վաղ The Washington Post-ը, հղում կատարելով իրազեկ աղբյուրներին, գրել էր, որ Թրամփն այս շաբաթ Քեմփ Դևիդում կայացած կաբինետի նիստի ժամանակ Փենթագոնի ղեկավար Փիթ Հեգսեթից բացատրություններ է պահանջել՝ կապված հրթիռների պակասի հետ։ Միևնույն ժամանակ, ավելի ուշ Սպիտակ տան մամուլի քարտուղար Քերոլայն Լևիթը հայտարարել է, որ թերթի հրապարակումը չի համապատասխանում իրականությանը։