Կոլումբիայում երկրաշարժի զոհերի թիվը հասել է 132-ի

2928

Երեքշաբթի, 11 օգոստոսի, 2026 թ., 10:49

Կոլումբիայում տեղի ունեցած հզոր երկրաշարժի հետևանքով զոհվել է 132 մարդ, վիրավորվել՝ 570-ը, հաղորդում է Caracol հեռուստաալիքը՝ հղում կատարելով իշխանություններին։

Նշենք, որ երեկ առավոտյան Կոլումբիայում 7,4 մագնիտուդ ուժգնությամբ երկրաշարժ է տեղի ունեցել։ Էպիկենտրոնը գտնվել է Չոկո դեպարտամենտի Սան-Խոսե-դել-Պալմար մունիցիպալիտետի շրջանում։ Ստորգետնյա ցնցումները զգացվել են Կոլումբիայի տարածքի մեծ մասում, ինչպես նաև հարևան երկրներում։

Վնասվել է 1575 բնակելի շենք, որոնցից 37-ն ամբողջությամբ ավերվել են։ Բացի այդ, վնասվել է առողջապահական 18 կենտրոն, 52 կրթական հաստատություն, 18 ճանապարհ և յոթ օդանավակայան։