«Արարատ-Արմենիան» լքեց Չեմպիոնների լիգան` վերջին րոպեներին ընդունելով 2 գնդակ

1910

Չորեքշաբթի, 12 օգոստոսի, 2026 թ., 00:42

Չեմպիոնների լիգայի 2026/27 թթ. մրցաշրջանի որակավորման երրորդ փուլի պատասխան խաղում Հայաստանի գործող չեմպիոն «Արարատ-Արմենիան» Սլովենիայի «Զդեժելե» մարզադաշտում հյուրընկալվելիս 0-2 հաշվով պարտություն կրեց երկրի չեմպիոն «Ցելյեից»։

Հանդիպման հիմնական ժամանակի մեծ մասում գոլեր չգրանցվեցին, սակայն խաղի վերջնամասում տանտերերին հաջողվեց երկու անգամ գրավել հայկական թիմի դարպասը:
Քանի որ դիմակայության առաջին խաղում «Արարատ-Արմենիան» հաղթել էր 2-1 հաշվով, երկու խաղերի ընդհանուր՝ 3-2 հաշվով որակավորման հաջորդ փուլի ուղեգիր նվաճեց սլովենական ակումբը։

Այս պարտությունից հետո «Արարատ-Արմենիան» լքեց Չեմպիոնների լիգան, սակայն եվրագավաթներում իր ելույթները չի ավարտում. թիմը պայքարը կշարունակի Եվրոպա լիգայի որակավորման փլեյ-օֆֆ փուլում, գրում է «Արմսպորտը»: Հատկանշական է, որ «Արարատ-Արմենիան» իր պատմության մեջ երրորդ անգամ է հանդես գալու որակավորման փլեյ-օֆֆում: