Երկուշաբթի, 21 սեպտեմբերի, 2026 թ.
|
Ստեփանակերտում`   +23 °C

«Շարունակելու ենք աշխատել Հարավային Կովկասում մեր ռազմավարական դիրքերն ամրապնդելու ուղղությամբ»․ ԱՄՆ ներկայացուցիչ

«Շարունակելու ենք աշխատել Հարավային Կովկասում մեր ռազմավարական դիրքերն ամրապնդելու ուղղությամբ»․ ԱՄՆ ներկայացուցիչ
1274
Չորեքշաբթի, 12 օգոստոսի, 2026 թ., 12:28

ԱՄՆ-ն կշարունակի Հարավային Կովկասում իր ռազմավարական դիրքերն ամրապնդելու ուղղությամբ կարևոր աշխատանքը։ Այս մասին հայտարարել է ԱՄՆ պետքարտուղարի քաղաքական հարցերով տեղակալ Էլիսոն Հուքերը՝ Վաշինգթոնում Հայաստանի ԱԳ նախարարի տեղակալ Վահան Կոստանյանի և Ադրբեջանի ԱԳ նախարարի տեղակալ Էլնուր Մամեդովի հետ եռակողմ հանդիպմանը նվիրված հրապարակման մեջ։

Նա նշել է, որ հանդիպումը նվիրված էր 2025 թվականի օգոստոսի 8-ին ԱՄՆ նախագահ Դոնալդ Թրամփի միջնորդությամբ Ադրբեջանի և Հայաստանի միջև նախաստորագրված համաձայնագրին։ «Ակնկալում եմ շարունակել մեր կարևոր աշխատանքը՝ Հարավային Կովկասի համար խաղաղ և բարգավաճ ապագա ապահովելու ուղղությամբ՝ միաժամանակ ամրապնդելով Ամերիկայի ռազմավարական դիրքերը այս կարևոր տարածաշրջանում»,- նշել է Հուքերը։