Ֆինլանդիան 28,5 մլն եվրո կհատկացնի Ուկրաինային՝ էներգետիկ ոլորտի վերականգնման համար

Ֆինլանդիան 28,5 մլն եվրո կհատկացնի Ուկրաինային՝ պատերազմից տուժած էներգետիկ ոլորտի վերականգնման համար։ Այս մասին ասվում է Ֆինլանդիայի ԱԳՆ-ի սոցիալական ցանցերում հրապարակված հաղորդագրության մեջ։

Ուկրաինան ինքնուրույն կֆինանսավորի նախագծի մնացած մասը, իսկ ընդհանուր արժեքը կազմում է 46.5 միլիոն եվրո։

Նշվում է, որ «Ուկրնաֆտա»-ն գնում է էլեկտրակայանները՝ երկրի անխափան էլեկտրամատակարարումն ապահովելու համար։

«Հուսալի էներգամատակարարումը կենսական նշանակություն ունի, հատկապես ձմեռային ամիսներին, երբ Ռուսաստանի կողմից էներգետիկ ենթակառուցվածքների վրա հարվածները խաթարում են Ուկրաինայի առօրյա կյանքը։ Էլեկտրակայանները կարտադրվեն Վաասայում, ինչը նաև կնպաստի աշխատատեղերի ստեղծմանը», - նշում է գերատեսչությունը։ Մատակարար է ընտրվել ֆիննական Wärtsilä Finland Oy ընկերությունը։