«Քաղաքական շարժառիթներով փակվել է Օլիմպավանը. դատապարտո՞ւմ եք այս երևույթը, թե՞ ոչ». Հայկ Ֆարմանյանը՝ Սիսակ Գաբրիելյանին

«Իմ որդին տևական ժամանակ է՝ մարզվում է բռնցքամարտ մարզաձևով ու շուրջ երկու ամիս է՝ զրկված է բնականոն մարզվելու հնարավորությունից զուտ այն պատճառով, որ քաղաքական շարժառիթներով պայմանավորված, փակվել է Օլիմպավանը: Դուք երկրի հեղինակության, ներդրումային միջավայրի խաթարման ռիսկ տեսնո՞ւմ եք, թե՞ ոչ: Դատապարտո՞ւմ եք այս երևույթը, թե՞ ոչ»,- դիմելով Կրթության, գիտության, մշակույթի, սպորտի և սփյուռքի հարցերի մշտական հանձնաժողովի նախագահի թեկնածու Սիսակ Գաբրիելյանին՝ ասաց ընդդիմադիր Հայկ Ֆարմանյանը: «Կարծում եմ, որ ՀՀ-ում երբևէ չի եղել տենց մի իրավիճակ, որ էդքան մարզադպրոց կառուցվի, ոնց հիմա է կառուցվում: Ձեր որդին կունենա որևէ տեղ մարզվելու: Եկեք ընդմիջմանը ձեզ լավ տեղ ցույց տամ, թող գնան, մարզվեն»,- նշեց Գաբրիելյանը: Ֆարմանյանն ասաց, որ իր հարցի հստակ պատասխանը չհնչեց: «Հստակ պատասխանում եմ՝ շատ մեծ խնդիր եմ տեսնում, որ քաղաքական նպատակահարմարությունից ելնելով ձեր մատնանշած կառույցը հայտնվել ա այլ անձի սեփականության դաշտում, խնդիր եմ տեսնում, որ էլի քաղաքական նպատակահարմարության պատճառով, մեր շատ մարզադպոցներ քանդվել են, որովհետև օրվա այդ պահի իշխանությանը պետք ա եղել իրենց հաճախորդներին դժգոհության առիթ չտալ»,- հնչեցրեց Գաբրիելյանը: