«Ադրբեջանում ռեժիմը տապալելու կոչերը չեն արտացոլում Ռուսաստանի վերաբերմունքը Բաքվի նկատմամբ». Զախարովա

Ռուսաստանի արտաքին գործերի նախարարության մամուլի խոսնակ Մարիա Զախարովան հայտարարել է, որ Ադրբեջանի գլխավոր դատախազության կողմից հետախուզվող ռուս լրագրողների հայտարարությունները, որոնց մեղադրում են հանրապետության սահմանադրական կարգը բռնի կերպով տապալելու կոչեր անելու մեջ, չեն արտացոլում Ռուսաստանի մոտեցումը Բաքվի հետ հարաբերություններին։

«Մենք տեղյակ ենք դրա մասին։ Այս անձանց հայտարարությունները ոչ մի կերպ չեն արտացոլում Մոսկվայի մոտեցումը Ադրբեջանի կամ նրա հարաբերությունները հանրապետության հետ։ Մենք կարծում ենք, որ ռուս-ադրբեջանական հարաբերությունները պետք է զարգանան գոյություն ունեցող երկկողմ իրավական շրջանակի, առաջին հերթին՝ 2022 թվականի փետրվարի 22-ին Մոսկվայում ամենաբարձր մակարդակով ստորագրված դաշնակիցների համագործակցության մասին հռչակագրի հիման վրա», - գրել է դիվանագետը նախարարության կայքում արված մեկնաբանության մեջ։