Blackstone-ի փոխնախագահն ու նրա կինը զոհվել են մեղրամսի ժամանակ տեղի ունեցած ավիաաղետից

1241

Չորեքշաբթի, 19 օգոստոսի, 2026 թ., 18:05

Բրիտանական The Telegraph թերթի փոխանցմամբ՝ Հունաստանում մասնավոր ուղղաթիռի վթարի հետևանքով զոհվել են ամերիկյան Blackstone ներդրումային ընկերության փոխնախագահ Ալեքսանդր Քրոմին և նրա կինը՝ Մարի Էբերտը։
Նորապսակները վերջերս էին ամուսնացել և իրենց մեղրամիսն անցկացնում էին հունական Սիֆնոս կղզում։ Թերթի տվյալներով՝ ուղղաթիռը վթարի է ենթարկվել նախատեսված վայրէջքի վայրից մոտ 30 մետր հեռավորության վրա։ Վթարից հետո ինքնաթիռը հրդեհվել է։

Զույգն ու օդաչուն եղել են ինքնաթիռում։ Երեքն էլ մահացել են։ Վթարի պատճառը դեռևս պաշտոնապես չի պարզվել։ Նախնական տեղեկությունները վկայում են շարժիչի խնդիրների մասին։

Օդաչուն 53 տարեկան էր։ The Telegraph-ի փոխանցմամբ՝ նա նախկինում ծառայել է ռազմաօդային ուժերում և ուներ թռիչքների մեծ փորձ։