Կիրակի, 13 սեպտեմբերի, 2026 թ.
|
Ստեփանակերտում`   +26 °C

«Եթե տնտեսական պատերազմը շարունակվի, ոչ մի կաթիլ նավթ չի հաջողվի արտահանել Պարսից ծոցից»․ Ռեզայի

«Եթե տնտեսական պատերազմը շարունակվի, ոչ մի կաթիլ նավթ չի հաջողվի արտահանել Պարսից ծոցից»․ Ռեզայի
905
Երկուշաբթի, 24 օգոստոսի, 2026 թ., 09:22

Թեհրանը պատրաստ է արգելափակել Պարսից ծոցի երկրներից նավթի արտահանումը, եթե Իրանի նկատմամբ տնտեսական ոլորտում ճնշում գործադրվի, հայտարարել է Իրանի Ազգային անվտանգության բարձրագույն խորհրդի քարտուղար Մոհսեն Ռեզային։
«Եթե տնտեսական պատերազմը շարունակվի, ապա ոչ մի կաթիլ նավթ չի հաջողվի արտահանել ո՛չ Հորմուզի նեղուցով, ո՛չ էլ ընդհանրապես Պարսից ծոցի տարածաշրջանից»,- հայտարարել է Ռեզային, որի խոսքերը մեջբերում է Press TV-ն։
Նա նաև նախազգուշացրել է, որ Թեհրանն այլ երկրների կողմից ԱՄՆ-ի՝ Իրանի տնտեսության վրա ճնշում գործադրելու ծրագրերին աջակցելը կհամարի պատերազմական գործողություն։

Ավելի վաղ, ԱՄՆ նախագահ Դոնալդ Թրամփը հայտարարել էր, որ որոշել է Իրանի դեմ «տնտեսական պատերազմ» վարել՝ վիճահարույց հարցերի շուրջ Վաշինգթոնի համար անհրաժեշտ պայմանավորվածությունների հասնելու նպատակով։