«Արարատ-Արմենիան նոր էջ թողեց մեր ֆուտբոլային պատմության մեջ»․ Թաթուլ Հակոբյան

1510

Ուրբաթ, 28 օգոստոսի, 2026 թ., 09:30

Լրագրող Թաթուլ Հակոբյանի ֆեյսբուքյան գրառումը. «ԱՐԱՐԱՏ-ԱՐՄԵՆԻԱ-ն նոր էջ թողեց մեր ֆուտբոլային պատմության մեջ: Մենք ունեցանք առաջին ակումբային թիմը, որ դուրս եկավ Եվրոպա Լիգայի հիմնական փուլ: Սա նշանակում է, որ եվրոպական միջինից բարձր և բարձրակարգ թիմեր, ֆուտբոլային աստղեր գալու են Երևան:
ԱՐԱՐԱՏ-ԱՐՄԵՆԻԱ-ի հաջողությունը միայն ֆուտբոլային չէր այս դեպքում: Երբ ազգը պառակտված է և պառակտումը խորացվում է, նման հաղթանակները չափազանց կարևոր են:
Չափազանց կարևոր է, որ հաղթանակ կերտող թիմի անվան մեջ կա ԱՐԱՐԱՏ-ը:
Ազգային բարերար Սամվել Կարապետյանը, իրականում, կարող էր ավելին անել հայկական ակումբային ֆուտբոլի համար:
Հայաստանի պետությունը 1991 թվականից մինչև այսօր ԶՐՈ ներդրում է ունեցել հայկական ֆուտբոլում և միայն Կարապետյանի նման ֆուտբոլասերներն ու բարերարներն են իրենց ներդրումներով օգտակար եղել մեր ֆուտբոլին:
Այսօր հայկական ակումբային ֆուտբոլը գոյություն ունի բացառապես անհատների շնորհիվ:
Այսօր էլ ուշ չէ, որպեսզի պարոն Կարապետյանը հիմնադրի ԱՐԱՐԱՏ-ԱՐՄԵՆԻԱ կամ այլ անունով մարզադաշտ Երևանում կամ Հայաաստանի տարածքում:
Այսօր էլ ուշ չէ, որպեսզի պարոն Կարապետյանը հիմնադրի ԱՐԱՐԱՐՏ-ԱՐՄԵՆԻԱ ֆուտբոլային դպրոց Երևանում և մարզերում:
Հիմնադրումից ի վեր այս ակումբը չունի մարզաբազա, չունի ֆուտբոլային դպրոց, չունի մարզադաշտ:
Մենք իրավունք չունենք հաշվել մարդու փողերը, բայց պարոն Կարապետյանը մեր այն ֆուտբոլասեր բարերարներից է, որ հնարավորություն ունի անելու այն, ինչ չի անում պետությունն ու կառավարությունը:
Շնորհավորում եմ ԱՐԱՐԱՏ-ԱՐՄԵՆԻԱ-ին, իմ բարեկամ Պողոս Գալստյանին և բոլոր այն անհատներին, որոնց շնորհիվ երեկ մենք ուրախության պահեր ապրեցինք»:

Աղբյուրը` Թաթուլ Հակոբյան