Ադրբեջանում զինամթերքի պահեստում հզոր պայթյուն է տեղի ունեցել

Գիշերը Ադրբեջանի Գերանբոյի շրջանի Նիզամի գյուղի մոտ գտնվող զինամթերքի պահեստում պայթյուն է տեղի ունեցել, որին հաջորդել է հրդեհ։ Այս մասին հայտնում են ադրբեջանական լրատվամիջոցները։ Նշվում է, որ արտակարգ պատահարի հետևանքով տուժածներ չկան։

SHOT թելեգրամյան ալիքը հաղորդում է, որ արկերը պահեստից հարյուրավոր մետր հեռավորության վրա են ցրվել, իսկ տեղի բնակիչները երկնքում պայծառ լուսավորում են տեսել և ուժեղ պայթյունների ձայներ լսել։

Փրկարարները տարհանել են մոտակա բնակավայրերի բնակիչներին։ Միջադեպի պատճառները չեն նշվում։