Էստոնիայի խորհրդարանը երկրի նոր նախագահ է ընտրել

Էստոնիայի խորհրդարանը երկրի նոր նախագահ է ընտրել արդարադատության կանցլեր Յուլլե Մադիզեին։

Նրա օգտին քվեարկել է 101 պատգամավորներից 71-ը։ Ընտրվելու համար անհրաժեշտ էր ստանալ ձայների երկու երրորդը կամ առնվազն 68 պատգամավորի աջակցությունը։

Նա ընտրվել է առանց այլընտրանքային թեկնածուի՝ խորհրդարանական վեց կուսակցություններից չորսի նախնական համաձայնությամբ։

Մադիզեն պետության ղեկավարի պաշտոնում կփոխարինի Ալար Կարիսին, որի հնգամյա պաշտոնավարման ժամկետը լրանում է այս տարվա հոկտեմբերին։ Նա դեռ հունիսին հայտարարել էր, որ չի առաջադրվելու երկրորդ ժամկետի համար։

Նշենք, որ Էստոնիայում նախագահին ընտրում են ոչ թե քաղաքացիների ուղղակի քվեարկությամբ, այլ խորհրդարանում։