Իրանը հայտնել է ԱՄՆ-ի վերջին հարվածների հետևանքով 18 զոհի մասին

Առնվազն 18 մարդ է զոհվել, ևս 142-ը վիրավորվել օգոստոսի 30-ից սեպտեմբերի 2-ն ընկած ժամանակահատվածում ԱՄՆ-ի զինված ուժերի կողմից իրականացված ավիահարվածների հետևանքով, հայտնել է Իրանի նախարարության խոսնակ Հոսեյն Քերմանփուրը։ X հարթակում կատարած գրառման մեջ նա նշել է, որ վիրավորների թվում 61 կին և 18 տարեկանից փոքր 44 անձ կա, իսկ զոհերի թվում՝ երկու կին և մեկ երեխա։

Ավելի վաղ՝ սեպտեմբերիի 2-ի գիշերը ԱՄՆ զինված ուժերը հարվածներ էին հասցրել Իրանի ռազմական օբյեկտների ուղղությամբ՝ որպես պատճառ նշելով «Հորմուզի նեղուցում առևտրային նավերի և ամերիկացի զինծառայողների դեմ Իսլամական հեղափոխության պահապանների կորպուսի վերջին հարձակման փորձերը»։

Իրանն ի պատասխան հարձակումներ է իրականացրել Հորդանանում, Քուվեյթում, Բահրեյնում և Արաբական Միացյալ Էմիրություններում գտնվող ամերիկյան ռազմակայանների ու օբյեկտների ուղղությամբ։