«ԱՄՆ-ն գիշերային ժամերին ականազերծել է Հորմուզի նեղուցը». #FT

ԱՄՆ-ն չորս ամիս գիշերը ականազերծել է Հորմուզի նեղուցը, հաղորդում է Financial Times-ը՝ հղում անելով գործողությանը ծանոթ աղբյուրներին։

Ավելի վաղ Պենտագոնի կենտրոնական հրամանատարության ղեկավար Բրեդ Քուփերը հայտարարել էր, որ ԱՄՆ-ն հաջողությամբ ականազերծել է Հորմուզի նեղուցը։ Նույն օրը «Ռոյթերս» գործակալությունը՝ հղում անելով ԻՀՊԿ-ին, հաղորդել էր, որ Իրանը լիովին վերահսկում է Հորմուզի նեղուցը և թույլ չի տա որևէ նավի անցնել առանց իշխանությունների թույլտվության։

«Մինչդեռ վերջին ամիսներին Միացյալ Նահանգները պատասխան հարվածներ է հասցրել Իրանին Հորմուզի նեղուցում, նրանք նաև շատ ավելի գաղտնի գործողություն են իրականացրել այս նեղ և ռազմավարական կարևորության անցուղու ջրերում: ԱՄՆ ռազմածովային ուժերի հատուկ նշանակության ջրասուզակներ, ռոբոտացված նավակներ և մասնագիտացված ստորջրյա տրանսպորտային միջոցներ վտանգավոր նեղուց են ուղարկվել հիմնականում գիշերը՝ չորսամսյա ականազերծման առաքելություն իրականացնելու համար», - գրել է թերթը: