Լիբանանում հայտնել են Իսրայելի հարվածների հետևանքով 11 զոհի մասին

103

Այսօր, 11:37

Վաղ առավոտյան Իսրայելի կողմից Լիբանանի հարավում գտնվող Քֆար Ռումման քաղաքի ուղղությամբ իրականացված հարվածների հետևանքով առնվազն 11 մարդ է զոհվել, այդ թվում՝ 2 երեխա, հայտնում է Լիբանանի պետական լրատվական գործակալությունը (NNA)։

Լրատվամիջոցի տվյալներով՝ քաղաքում ավերվել է եռահարկ շենք, որտեղ զոհվել է 9 մարդ, ևս 5-ը վիրավորվել են։ Հարձակման է ենթարկվել նաև բուժաշխատողների մեքենան, որի հետևանքով զոհվել է 2 բուժաշխատող։

Նշենք, որ վերջին օրերին Իսրայելն ակտիվացրել է Լիբանանի հարավի ռմբակոծությունները՝ չնայած հունիսին հաստատված հրադադարին, որը պետք է դադարեցներ իսրայելական զինուժի և լիբանանյան «Հեզբոլլահ» խմբավորման միջև մարտերը։ Կիրակի Իսրայելի հարվածների հետևանքով առնվազն 7 մարդ էր զոհվել։