Իսրայելը հայտարարել է, որ պատրաստ է կանխել Միջերկրական և Կարմիր ծովերում ուժերի հավասարակշռությունը փոխելու փորձերը

Իսրայելը միջոցներ է ձեռնարկում՝ ի պատասխան այն ուժերի ձգտումների, որոնք փորձում են արմատապես փոխել իրավիճակը Միջերկրական և Կարմիր ծովերում, հայտարարել է Իսրայելի ռազմածովային ուժերի հրամանատար, փոխծովակալ Էյալ Հարելը՝ ծովային սպաների ավարտական արարողության ժամանակ։
«Հարելը դիմել է նրանց, ովքեր մտադիր են փոխել ուժերի հավասարակշռությունը Միջերկրական և Կարմիր ծովերում, և ասել է, որ Իսրայելը տեսնում է այդ գործողությունները, հետևում է դրանց և պատրաստվում է համապատասխան քայլերի», հաղորդում է The Times of Israel-ը։
«Ռազմածովային ուժերը չեն ընդունի այնպիսի իրավիճակ, երբ Իսրայել պետության գործողությունների ազատությունը կամ ազգային ծովային գոտում նրա ռազմավարական շահերը կարող են վտանգվել»,- նշել է Հարելը։
Իր հերթին, The Times of Israel-ը նշում է, որ հրամանատարի նախազգուշացումները, ամենայն հավանականությամբ, ուղղված էին Թուրքիային և հութիներին։