«ԿՀՎ տնօրենը ներգրավված է Ուկրաինայի հարցով բանակցային գործընթացում»․ Թրամփ

ԱՄՆ Կենտրոնական հետախուզական վարչության տնօրեն Ջոն Ռեթքլիֆն ակտիվորեն մասնակցում է ուկրաինական հակամարտության կարգավորմանն ուղղված բանակցություններին, ասել է ԱՄՆ նախագահ Դոնալդ Թրամփը՝ Air Force One ինքնաթիռում լրագրողների հետ զրույցի ժամանակ։

«Նա հիանալի է կատարում իր աշխատանքը։ Նա ներգրավված է ամեն ինչում»,- այսպես է նա պատասխանել լրագրողների հարցին, թե արդյոք ԿՀՎ ղեկավարն ավելի նշանակալի դեր է ունենալու այս գործընթացում։

Միևնույն ժամանակ, Թրամփը հայտարարել է, որ հատուկ բանագնաց Սթիվ Ուիթքոֆը և իր փեսա Ջարեդ Քուշները նույնպես գերազանց են կատարում բանակցողի իրենց պարտականությունները՝ որպես օրինակ բերելով Գազայի հատվածում իրավիճակի կարգավորումը։