Փարիզը մտադիր է համագործակցել Վաշինգթոնի հետ՝ Հորմուզի նեղուցում նավագնացությունը վերականգնելու համար

Ֆրանսիան պատրաստ է ԱՄՆ-ի հետ աշխատել Մերձավոր Արևելքի կարևորագույն ենթակառուցվածքների պաշտպանության ուղղությամբ, հայտարարել է Ֆրանսիայի նախագահ Էմանուել Մակրոնը։

«Մենք որոշեցինք համատեղ գործել՝ էներգետիկ շուկաներում լարվածությունը թուլացնելու, Մերձավոր Արևելքի կենսական նշանակության ենթակառուցվածքները պաշտպանելու և Հորմուզի նեղուցում նավագնացության ազատությունն ապահովելու համար»,- գրել է նա X սոցիալական ցանցում՝ Նյու Յորքում ԱՄՆ նախագահ Դոնալդ Թրամփի հետ հանդիպումից հետո։ Մակրոնը սակայն չի հստակեցրել, թե կոնկրետ ինչ միջոցներ է պատրաստ ձեռնարկել այդ խնդիրները լուծելու համար։