«Մի փշուր ազգային պատմությունից». Սամվել Կարապետյան
641 Կիրակի, 04 նոյեմբերի, 2018 թ., 14:40 Հուշարձանագետ Սամվել Կարապետյանը ֆեյսբուքյան իր էջում գրել է. «2011 թ. օգոստոսի 11-ն է: Խիզանի ձորերում անցնող ճամփորդության հերթական օրը եզրափակում ենք շրջապատի նկատմամբ բարձր ու մեկուսի դիրքում գտնվող Վերին Պախուր (այժմ՝ Աքջալը) գյուղում: Ընդամենը 8 քուրդ ընտանիքից բաղկացած մի փոքր գյուղ էր, որը բանակի կողմից 1991 թ. հրդեհվելու պատճառով նոր-նոր վերստին բնակելի էր դարձել: Մեր նկատմամբ գյուղացիներն իրենց բարյացակամ են դրսևորում և մատնացույց են անում կցակառույցների մեջ թաքնված դեռևս գոյություն ունեցող Սբ. Գևորգ եկեղեցին և դպրոցը, որը կառուցվել էր հայոց գերեզմանոցի տարածքում: Մատնացույց են անում գյուղական այս ու այն շինության որմում որպես շինանյութ գործածված խաչքարեր, բեկորներ և վերջապես կանգ ենք առնում եկեղեցու անկյունաքարերից մեկին նշմարվող արձանագրության մոտ: Փորձում եմ ընթերցել: Քրդերը հետաքրքրությամբ խռնվել են մեր շուրջ և շատ են ուզում իմանալ ի՞նչ է գրված: Կարդում եմ և թարգմանաբար փոխանցում ենք, որ Հովհաննես անունով մեկը գնել է Ծովակ տեղամասն ու նվիրել Երուսաղեմի հայոց վանքին...: Քրդերն իրար երես են նայում և անմիջապես մատնացույց են անում գյուղամերձ կանաչապատ տարածքը և ասում, որ Զովակն (դե իրենք Ծ արտասանել չեն կարողանում), ահա՝ այդ մասն է: Երջանիկ, որ կորուսյալ Հայրենիքի հայանուն մեկ մանրատեղանուն էլ մոռացության ծովից ափ հանեցինք, շնորհակալությամբ հրաժեշտ ենք տալիս գյուղացիներին և հեռանում... Գրությանս կցում եմ Վերին Պախուր գյուղի և նրան հարակից Ծովակ տեղամասի համայնապատկերը, նաև՝ Ծովակը Երուսաղեմին նվիրաբերած Հովհաննեսի հիշատակագրի գրչանկարը: |
Գուգարաց թեմի առաջնորդը Կիրանցում է
117Երեկ, 23:30«Միայն իրենց իշխանական ալիքներով է, որ հաջող գործարք են իրականացրել, այնինչ իրականում ողբ է». Տեր Արամ (տեսանյութ)
23125.04.2024, 21:13«Հանգիստ մի՛ նստեք ու ասեք՝ ես իմ գործով կզբաղվեմ, ու ամեն ինչ նորմալ կլինի». Արսեն Գրիգորյան (տեսանյութ)
22125.04.2024, 20:54«Ցեղասպանվեցինք, որովհետև մեզնից առավել ուրիշին սիրեցինք. այսօր պատմությունը կրկնվում է». Արշակ Սրբազանի ելույթը (տեսանյութ)
35624.04.2024, 01:54Մայր Աթոռը հայտարարություն է տարածել
54722.04.2024, 18:06«Հայ ժողովուրդն ամենուր պետք է շարունակի համախմբվել՝ հանուն Ցեղասպանության դատապարտման»․ Կաթողիկոս
47821.04.2024, 22:00«Հայի պատմությունը բնավ զիջումի քաղաքականության պատմություն չի եղել». Արամ Ա
43921.04.2024, 19:54Տիգրան Համասյանի համերգը՝ Խուստուփ լեռան լանջին (լուսանկար, տեսանյութ)
42921.04.2024, 13:18