ԱՄՆ-ում գրանցվել է վագրի՝ կորոնավիրուսով վարակման առաջին դեպքն աշխարհում. #BBCNews

446

Երկուշաբթի, 06 ապրիլի, 2020 թ., 11:35

Նյու Յորքի Բրոնքսի շրջանի կենդանաբանական այգում մալայզիական 4-ամյա էգ վագրի կորոնավիրուսի ախտորոշման թեստը դրական արդյունք է ցույց տվել, հայտնում է BBC News-ը՝ հղում անելով Վայրի բնության պահպանության (WCS) հրապարակած հայտարարությանը:

«Նադյա էգ վագրի ու նրա քրոջ՝ Ազուլի, ինչպես նաև երկու ամուրյան վագրերի, երեք աֆրիկյան առյուծների մոտ նկատվել է չոր հազ, ակնկալվում է, որ բոլորն էլ կբուժվեն»,- ասվում է մամուլի հաղորդագրության մեջ:

Կենդանաբանական այգում հավաստիացրել են, որ չնայած ախորժակի նվազմանը, այս կենդանիների վիճակը բավարար է, նրանք գտնվում են անասնաբույժների հսկողության տակ: