«Չարենցավան քաղաքում թափառող շների խնդիրը դարձել է անկառավարելի». Հասմիկ Ղազարյան

Օգտատեր Հասմիկ Ղազարյանն ահազանգում է. «Չարենցավան քաղաքում թափառող շների խնդիրը դարձել է անկառավարելի, իսկ պատճառը մեկն է՝ չի գործում օրենքով սահմանված ստերջացման ծրագիրը։
«Տեղական ինքնակառավարման մասին» ՀՀ օրենքով համայնքները պարտավոր են իրականացնել թափառող կենդանիների ստերջացում և պատվաստում։ Բայց իրականությունն այն է, որ Չարենցավանում երկու ամիսը մեկ շների քանակը կրկնապատկվում ու եռապատկվում է, փողոցներում հայտնվում են նոր ծնված ձագերի խմբեր։ Սա ուղիղ ապացույցն է այն բանի, որ ստերջացում կա՛մ ընդհանրապես չի արվում, կա՛մ արվում է ձևական։
Արդյունքում տուժում են բոլորը՝ և՛ բնակիչները, որոնց անվտանգությունն է վտանգվում, և՛ այդ կենդանիները, որոնք դատապարտված են փողոցային դաժան կյանքի։
Ակնկալում ենք Չարենցավանի համայնքապետարանի հստակ պարզաբանումն ու իրական քայլերը՝ օրենքի պահանջը կատարելու ուղղությամբ։
Իսկ այն մարդկանց, որոնք հայտնվելու են իմ էջում և սրտաճմլիկ մեկնաբանություններ են գրելու, ասեմ, որ շատ հաճախ իրական հոգածությունը շփոթում են կույր համակրանքի հետ։
Եթե բարձրաձայնում ես փողոցներում հայտնված անօթևան կենդանիների, անվտանգության կամ քաղաքային միջավայրի լուրջ խնդիրների մասին հարցեր, դա բնավ չի նշանակում, թե սիրտդ քարացել է։ Ընդհակառակը՝ հենց նրանց հանդեպ ցավի ու անհանգստության զգացումն է, որ թույլ չի տալիս լռել։
Քաղաքը պետք է հարմար ու անվտանգ լինի բոլորի համար՝ մարդկանց, որոնք քայլում են փողոցներով, և կենդանիների, որոնք չպետք է սոված ու անպաշտպան թափառեն ասֆալտին»։

«Չարենցավան քաղաքում թափառող շների խնդիրը դարձել է անկառավարելի». Հասմիկ Ղազարյան
2821:30
Բջնիի հանքային ջրի աղբյուրն անհայտ անձինք ցանկապատել են, կողպեք կախել, աղբ թափել (լուսանկար)
314Երեկ, 02:06
«Այրված խոտի և տերևների թանձր ծուխը պատել էր Արարատյան գոգավորությունը». Լևոն Գալստյան
39016.11.2026, 02:06
Նոյեմբերի 20-ից մինչև 2027-ի փետրվարի 1-ը Սևանա լճում խստիվ արգելվում է սիգի արդյունագործական որսը
40215.11.2026, 18:00
«Սա՞ է քաղաքապետին հարիր գրագետ ընտրված առողջ տնկին»․ Քրիստինա Վարդանյան
97507.11.2026, 16:36
8-րդ կովկասյան հովազը՝ Կովկասյան կենսաբազմազանության ապաստարանի Ուրցաձորի տեղամասում (տեսանյութ)
112403.11.2026, 21:48
«Ասում ես՝ նոր հանքեր մի բացեք, ասում են՝ չբացենք, որ հետո հանձնեն, իրենք բացե՞ն». Անի Խաչատրյան
115203.11.2026, 00:36
«Ամուլսարի ընդերքում կառուցած Որոտան-Արփա թունելի ջրի որակը գնահատվել է անբավարար». Լևոն Գալստյան
119202.11.2026, 02:06