Ուրբաթ, 19 սեպտեմբերի, 2025 թ.
|
Ստեփանակերտում`   +14 °C

«Բադասյանը ջանք ու եռանդ չխնայեց վարչապետին ապացուցելու, թե ինչո՞ւ Հայաստանում հնարավոր չէ իրականացնել վեթինգ»․ Արման Բաբաջանյան

«Բադասյանը ջանք ու եռանդ չխնայեց վարչապետին ապացուցելու, թե ինչո՞ւ Հայաստանում հնարավոր չէ իրականացնել վեթինգ»․ Արման Բաբաջանյան
824
Երեքշաբթի, 12 մայիսի, 2020 թ., 10:45

Վերսկսելով աշխատանքը՝ խորհրդարանը երկրորդ ընթերցմամբ ընդունեց ԱԺ պատգամավորներ Համազասպ Դանիելյանի ու Հերիքնազ Տիգրանյանի ներկայացրած «Հանրաքվեի մասին» սահմանադրական օրենքում լրացումներ և փոփոխություններ կատարելու նախագիծը, ապա անցավ «2019 թվականի ընթացքում ՀՀ մարդու իրավունքների պաշտպանի գործունեության, մարդու իրավունքների և ազատությունների պաշտպանության վիճակի մասին» տարեկան հաղորդման և «ՀՀ մարդու իրավունքների պաշտպանի՝ որպես կանխարգելման ազգային մեխանիզմի 2019 թվականի գործունեության վերաբերյալ» տարեկան զեկույցի քննարկմանը:

Իր ելույթում Արման Բաբաջանյան անդրադարձավ նախորդ շաբաթ ԱԺ-ում տեղի ունեցած միջադեպին։ «Նպատակը մեկն է՝ ամեն գնով արժեզրկել, նսեմացնել Ազգային ժողովի կշիռը, նշանակությունը։ Այն, որ այսօր հնարավոր են նման իրադարձություններ, մեծապես պայմանավորված է մեծամասնությունից ու գործող իշխանության վարքագծով բարեփոխումների հարցում հանցավոր դանդաղկոտությամբ։ Պետք է գիտակցել այսօրվա իրավիճակի հարցում բոլորիս բաժին հասած պատասխանատվության և մեղքի մասն ու համապատասխան հետևություններ անել․․․ Ես բոլորովին այլ ելույթ էի ծրագրել նախօրեին, բայց երեկ տեղի ունեցած որոշ զարգացումներ այն հօդս ցնդեցրին, խոսքը վարչապետի ու Արդարադատության նախարարի հանդիպմանն է առնչվում։ Ռուստամ Բադասյանը ջանք ու եռանդ չխնայեց վարչապետին ապացուցելու համար, թե ինչու և ինչպես Հայաստանում հնարավոր չէ իրականացնել դատավորների համատարած վեթինգ ու անցումային արդարադատություն»,- ասաց Բաբաջանյանը։

Մանրամասները՝ տեսանյութում։

«Ես բոլորովին այլ ելույթ էի ծրագրել»․ Արման Բաբաջանյան

Կարդացե՛ք նաև