Բազմաթիվ ՉԹՕ-ներ են հայտնվել Falcon-9 հրթիռի մոտակայքում արձակման ժամանակ

Հունիսի 13-ին իրականցվել է Falcon 9 հրթիռի կառավարվող արձակումը՝ 58 Starlink և SkySat միկրոարբանյակներով: Այս գործարկման ուղիղ հեռարձակումը դարձել է իսկական սենսացիա երկրային ուղեծրում բազմաթիվ ՉԹՕ-ների առկայության առումով, գրում է earth-chronicles-ը: ՉԹՕ-ների գերակտիվություն է նկատվել նախ մայիսի 18-ին, ապա՝ մայիսի 30-ին՝ տիեզերագնացների արձակման ժամանակ, այնուհետև՝ հունիսի 13-ին՝ արբանյակների գործարկման ժամանակ:

Հունիսի 13-ին Քանավերալ (Ֆլորիդա) հրվանդանի տիեզերակայանից գործարկվել է Falcon 9 հրթիռակիրը՝ 58 Starlink միկրոարբանյակներով և ամերիկյան Planet Labs ընկերության SkySat երեք ապարատով, որոնք համալրված են շարժական աստղադիտակով և երկրի մակերևույթի մոնիթորինգի համար նախատեսված տեսախցիկով:

SpaceX-ը մի քանի ժամ ուղիղ հեռարձակում է իրականացրել և անջատել այն, երբ այդ անհայտ օբյեկտը հայտնվել է էկրանին:

Սակայն ՉԹՕ-ների հայտնվելուց հետո SpaceX-ը բավականին ուշ է անջատել հեռարձակումը, և շատերը տեսաձայնագրել են այն, ինչը թույլ է տալիս տեսնել եղելությունը բոլոր մանրամասներով։

Առաջին ՉԹՕ-ն ուղիղ հետագծով թռչում է Երկրի ուղեծրով, անցնում է հրթիռի կողքով և կանգ է առնում, որպեսզի մի ակնթարթ հետո փոխի թռիչքի ուղղությունը 90 աստիճանով և իջնի դեպի երկիր։

Երկրորդ և երրորդ ՉԹՕ-ները նույնպես հայտնվում են շատ ցուցադրական, արձակում են շատ պայծառ լույս, այնքան պայծառ, որ դրանք նույնիսկ արտացոլվում են արևային վահանակի վրա, որը և հայտնվել է կադրում:

Ի դեպ, մայիսի 30-ին Մասքի հրթիռի արձակումից հետո Միջազգային տիեզերակայանից ուղիղ հեռարձակումները դադարեցվել են։ Միջազգային տիեզերակայանի արտաքին մասնաշենքում տեղադրված տեսախցիկը, որը իրական ժամանակում հեռարձակում էր ապահովում, անջատվել է և մինչ օրս չի աշխատում:

Հունիսի 13-ին տեղի ունեցած արբանյակների արձակման ժամանակ հեռարձակումը միացնելու փորձն ավարտվել է նրանով, որ SpaceX-ն անջատել է հեռարձակումը ՉԹՕ-ների հայտնվելու պատճառով։