Ուրբաթ, 30 հոկտեմբերի, 2026 թ.
|
Ստեփանակերտում`   +9 °C

«Դեպի Մարս թռիչքի հնարավորությունն իրական է». Starship-ը հաջողությամբ անցել է փորձարկումները

«Դեպի Մարս թռիչքի հնարավորությունն իրական է». Starship-ը հաջողությամբ անցել է փորձարկումները
3822
Հինգշաբթի, 06 օգոստոսի, 2020 թ., 00:00

Նավի նախատիպը, որն ստեղծվում է Իլոնա Մասքի SpaceX ընկերության կողմից՝ միջմոլորակային թռիչքների համար, հաջողությամբ կատարել է առաջին փորձնական թռիչքը, հայտնել է space.com-ը։
Մեկնարկը տեղի է ունեցել երեքշաբթի օրը Թեքսաս նահանգի Բոկա Չիկա գյուղում տեղական ժամանակով ժամը 18:57-ին։ Starship SN5 նավի նախատիպն առանց անձնակազմի օդ է բարձրացել 150 մ և վայրէջք կատարել կարճ փորձնական թռիչքից հետո:
«Դեպի Մարս թռիչքի հնարավորությունն իրական է», - փորձարկումներից հետո գրել է Մասքը Twitter-ում:
Նախորդ նախատիպերի փորձարկումները, բացառությամբ առաջինի՝ Starhopper-ի, ավարտվել են ձախողմամբ։ Մայիսի վերջին SN4-ը պայթել էր վառելիքի արտահոսքից հետո, ապրիլին մեկ այլ նախատիպ՝ Starship SN3-ը, պայթել էր հեղուկ ազոտի ճնշման պատճառով։ Մասքն այդ ամենը կապել է մարդկային գործոնի հետ։
SpaceX-ը մշակում է տրանսպորտային համակարգ, որը բաղկացած է ամբողջովին նոր Super Heavy կրող հրթիռից և Starship տիեզերանավից: Համակարգը թույլ կտա արբանյակներ, անձնակազմեր և բեռներ հասցնել ինչպես մերձերկրային ուղեծրեր, այնպես էլ Լուսին և Մարս: Համակարգի գործարկման և վայրէջքի վայր են սահմանվել Ֆլորիդա նահանգի Քանավերալ հրվանդանի Քենեդիի անվան տիեզերական կենտրոնը և Թեքսաս նահանգի Բոկա Չիկա գյուղի տիեզերակայանը:

Կարդացե՛ք նաև