Մարսի վրա հսկայական լիճ է հայտնաբերվել

ԱՄՆ-ի Բրաունի համալսարանի գիտնականները Մարսի վրա հնագույն լճի անհայտ տեսակ են հայտնաբերել։ Այս մասին ասվում է հետազոտական աշխատանքի զեկույցում։
Փորձագետները պարզել են, որ դա խառնարանային լիճ է, և պնդում են, որ հայտնագործությունը կօգնի ուսումնասիրել Կարմիր մոլորակի կլիման՝ դրա վաղ շրջանում:
Այս պահին այնտեղ ջուր չկա։ Ենթադրվում է, որ լիճը միլիարդավոր տարիներ առաջ է ցամաքել։
Հետազոտողների խումբը գլխավորում է փիլիսոփայության դոկտոր Բրաուն Բոութրայթը, նրա խոսքով՝ լճի հատակը վկայում է այն մասին, որ նախկինում այնտեղ առվակներ են հոսել, սակայն դեռևս դրսից ջրի մուտքի ջրանցքներ չեն հայտնաբերվել:

Բացի այդ, հայտնաբերվել են հետքեր, որոնք վկայում են գրունտային ջրերի ակտիվության մասին։
Դրանից ելնելով՝ հետազոտողները պնդում են, որ համակարգը կարող էր սնվել Մարսի վրա գտնվող սառցադաշտով։ Խառնարանի գագաթից ջուրը հոսել է ներքև՝ իր երկրաբանական հետքը թողնելով Մարսի մերկ հողի վրա։

Նշենք, որ լճի այս տեսակն էապես տարբերվում է նախկինում հայտնաբերված Գեյլից և Ջեզերոյից։ Մարսագնացների կողմից արված ուսումնասիրությունը թույլ է տալիս եզրակացնել, որ Կարմիր մոլորակի կլիման շատ ավելի տաք և խոնավ է եղել, քան Երկրի վրա: