Gallup-ի արդյունքները՝ եթե ընտրությունները կայանային այս կիրակի

«Հայաստան» դաշինքը 0,3 տոկոսով բարձր ցուցանիշ է գրանցել, քան «Քաղաքացիական պայմանագիր» կուսակցությունը։ Այս մասին մամուլի ասուլիսին ասաց «GALLUP International Association»-ի հայաստանյան ներկայացուցչության տնօրեն Արամ Նավասարդյանը՝ ներկայացնելով քաղաքական ուժերի վարկանիշները՝ նախընտրական քարոզարշավի ընթացքում։
Նա նշեց՝ եթե ՀՀ-ում այս կիրակի լինեին ընտրություններ, ապա «Հայաստան» դաշինքի օգտին կքվեարկեր ընտրողների 24,1 տոկոսը, իսկ «Քաղաքացիական պայմանագիր» կուսակցության օգտին՝ 23,8 տոկոսը։ Նախորդ հարցման արդյունքների համեմատությամբ՝ «Հայաստան» դաշինքի ցուցանիշն աճել է 3,5 տոկոսով, իսկ «Քաղաքացիական պայմանագիր» կուսակցությանը՝ 1,4 տոկսով։

«Պատիվ ունեմ» դաշինքը երրորդ տեղում է 7,4 տոկոսով, նրան հաջորդում է ԲՀԿ-ն՝ 3,7 տոկոսով, ԼՀԿ-ն՝ 3,1 տոկոսով։