Երեքշաբթի, 28 հոկտեմբերի, 2025 թ.
|
Ստեփանակերտում`   +14 °C

Մթերքներ, որոնք շոգ եղանակին ուտելը վտանգավոր է

Մթերքներ, որոնք շոգ եղանակին ուտելը վտանգավոր է
839
Կիրակի, 18 հուլիսի, 2021 թ., 02:06

Շոգ եղանակին անհրաժեշտ է զերծ մնալ քաղցրավենիքից, սուրճից, աղի և ապխտած մթերքներից: РИА Новости-ին ասել է բժշկական առցանց ծառայության սննդաբան Մարգարիտա Մակուխան:

«Այս կերակուրները ծարավեցնում են և չեն հագեցնում: Բացի այդ, դրանք կարող են նպաստել ջրազրկմանը, բացասաբար ազդել աղիքային ֆլորայի վրա, իջեցնել իմունիտետը և կարող են ալերգիկ ռեակցիաների պատճառ դառնալ»,- բացատրել է նա:
Մասնագետը հիշեցրել է նաև, որ պաթոգեն բակտերիաները հատկապես արագ են բազմանում կրեմ պարունակող քաղցր մթերքներում:
Մակուխան խորհուրդ է տվել հրաժարվել ճարպային կերակուրներից, արագ սննդից և արագ ածխաջրերից. դրանք կարող են նպաստել քաշի ավելացմանը, քանի որ ակտիվությունը շոգ եղանակին նվազում է:
«Սուրճը նույնպես կարող է ջրազրկում և սիրտ-անոթային համակարգի վրա ճնշում առաջացնել, քանի որ այն ունի միզամուղ հատկություններ և մեծացնում է սրտի կծկումների թիվը», – հավելել է սննդաբանը:
Ալկոհոլը նույնպես վտանգավոր է, քանի որ շոգ եղանակին օրգանիզմի վրա նրա թունավոր ազդեցությունն աճում է:

Կարդացե՛ք նաև