«Վերջին 2-3 օրվա տեղումներն իրենց դրական ազդեցությունն են ունեցել»․ Սասուն Միրոյան

2852

Չորեքշաբթի, 16 մարտի, 2022 թ., 21:02

«Ջրային կոմիտե»-ի աշխատակից Սասուն Միրոյանի գրառումը․ «Վերջին 2-3 օրվա տեղումներն իրենց դրական ազդեցությունն են ունեցել․
Մասնավորապես Սևանա լճի մակարդակն ավելացել է 1սմ-ով՝ հասնելով 1900․42մ։
Լեռնային գոտիներում ձյան շերտը զգալի աճել է և մարտ ամսին սպասվող ոչ տաք կլիմայի ու անձրևների շնորհիվ զգալի կբարելավվի ջրամբարների լցվածությունը։
Տևական ժամանակ բարձր ջերմաստիճանի պատճառով, արդեն իսկ անհրաժեշտություն էր առաջանում մշակաբույսերի ոռոգման, սակայն հենց այս տեղումների շնորհիվ դրա անհրաժեշտությունն այս պահին չկա։
Իհարկե տեղումները նաև ունենում են բացասական ազդեցություն, սակայն կարծում եմ դրականն ավելի շատ է»։

Աղբյուրը` Սասուն Միրոյան