«Դեռ չեմ հավատում, որ Եվրոպայի չեմպիոն եմ»․ «Զվարթնոց»-ում դիմավորել են Անի Հովսեփյանին

«Զվարթնոց» օդանավակայանում դիմավորել են բռնցքամարտի Եվրոպայի չեմպիոն Անի Հովսեփյանին։ Անի Հովսեփյանը Չեռնոգորիայի Բուդվա քաղաքում բռնցքամարտի Եվրոպայի առաջնության 70 կգ քաշայինների եզրափակչում 4:1 հաշվով առավելության է հասել Իռլանդիայի ներկայացուցիչ Քրիստինա Դեսմոնդի նկատմամբ և արժանացել չեմպիոնի կոչմանը։ «Դեռ չեմ հավատում, որ նվաճել եմ այս մեդալը, այն ինձ համար շատ սպասված էր, կատարել եմ մեծ աշխատանք այս արդյունքին հասնելու համար և իհարկե, չեմ բավարարվելու, սա իմ նոր նվաճումների սկիզբն է»,- նշել է նա: