«Ներդաշնակված պետական, հանրային ջանքերի համադրումը հիմա հրամայական անհրաժեշտություն է». Վարդան Բալյան

Քաղաքական վերլուծաբան Վարդան Բալյանը ֆեյսբուքյան իր էջում գրում է. «Ներկա իրավիճակը կարելի էր և պետք էր կանխել։ Այդուհանդերձ, ստեղծված պայմաններում արտգործ նախարարության հայտարարության մեջ ձևակերպված դիրքորոշումը իրական դիվանագիտական աշխատանքով ուղեկցելու պարագայում Հայաստանը կարող է թոթափել կապիտուլյացիոն ռեժիմի լուծը, և Արցախի կարգավիճակի հարցը իրապես վերադարձնել բանակցային օրակարգ։ Կարծում եմ, կարիք չկա պարզաբանելու, որ կան երկրներ, որոնք այդ չեն ցանկանում և պատրաստ են ընդհուպ ռազմական միջոցներով կանխել նման զարգացումը։ Հավասարակշռված, ոսկերչական ճշգրտությամբ ներդաշնակված պետական, հանրային ջանքերի համադրումը հիմա հրամայական անհրաժեշտություն է»։