Ֆիլիպիններում խորտակված լցանավից թափվող մազութի շերտը ձգվել է 6 կմ

80163

Երկուշաբթի, 13 մարտի, 2023 թ., 22:40

Ֆիլիպինների Արևելյան Մինդորոյի ջրերում Princess Empress խորտակված լցանավից թափված մազութի արտահոսքը ձգվել է ավելի քան 6 կմ: Այս մասին հայտնել է Greenpeace բնապահպանական կազմակերպության ֆիլիպինյան մասնաճյուղը։
«Հիմնվելով մեր քարտեզագրման թիմի կողմից արված արբանյակային պատկերների վրա, մարտի 8-ի դրությամբ մենք տեսանք մոտ 6,2 կմ չափով (մազութի շերտ-խմբ.), որն անընդհատ ընդլայնվում է»,- ABS-ին ասել է Greenpeace-ի ակտիվիստ Ջեֆերսոն Չուան:

Բնապահպանը, վկայակոչելով Ֆիլիպինների ծովային գիտությունների ինստիտուտի նախազգուշացումը, նշել է, որ եթե արտահոսքը շարունակվի, ամբողջ 800 հազար լիտր մազութը կթափվի։ Այժմ օրական մոտ 1000 բարել մազութ է թափվում ծովը:

Greenpeace-ը նախազգուշացնում է, որ մազութի շերտը կարող է հասնել Վերդե կղզի, որտեղ ապրում են բազմաթիվ ծովային կենդանիներ:

Ֆիլիպինների կառավարությունն արդեն օգնություն է խնդրել Ճապոնիայից և ԱՄՆ-ից։ Ճապոնիան արձագանքել է օգնության կոչին՝ ուղարկելով ութ հոգուց բաղկացած թիմ: