«Հայասաթ-1»-ի հետ հաջողվել է կապ հաստատել

7336

Կիրակի, 03 դեկտեմբերի, 2023 թ., 18:48

«Հայասաթ-1» արբանյակի հետ հաջողվել է կապ հաստատել: Հայտնում են «Բազումք» տիեզերքի հետազոտման կենտրոնից:

«Անկախ Հայաստանում ստեղծված առաջին արբանյակն արդեն 3 օր է՝ տիեզերքում է:
Ուրախ ենք տեղեկացնել, որ մենք հաջողությամբ հետևում ենք մեր «Հայասաթ-1» քյուբսաթ ձևաչափի արբանյակին:

Այն աշխատանքային վիճակում է և փոխանցում է իր պարբերական ազդանշանները:
Հաջորդ փուլում մենք կշարժվենք առաջ՝ ինչպես նախատեսել ենք:

Շնորհավորում ենք թիմին և մեր բոլոր աջակիցներին»,- հայտնում են կենտրոնից:
Հավելենք, որ «Հայասաթ-1»-ը ստեղծվել է «Բազումք»-ի և Center for Scientific Innovation and Education-ի կողմից: