Կիրակի, 06 հուլիսի, 2025 թ.
|
Ստեփանակերտում`   +18 °C

«Իրանն ուղիղ հարված չի հասցնի Իսրայելին»․ ամերիկյան հետախուզություն

«Իրանն ուղիղ հարված չի հասցնի Իսրայելին»․ ամերիկյան հետախուզություն
1146
Երեքշաբթի, 09 ապրիլի, 2024 թ., 12:54

Ամերիկյան հետախուզությունը ենթադրում է, որ Իրանն ուղիղ հարված չի հասցնի Իսրայելին՝ ի պատասխան Սիրիայում իրանական հյուպատոսության վրա հարձակման, այլ կգործի տարածաշրջանում միջնորդների միջոցով, հայտնել է CNN հեռուստաալիքը՝ վկայակոչելով իրազեկ աղբյուրներին։

Աղբյուրների խոսքով՝ Թեհրանը խուսափում է ռազմական գործողությունների կտրուկ սրացումից և չի ցանկանում ԱՄՆ-ին կամ նրա դաշնակիցներին Իրանի վրա ուղղակի հարձակման առիթ տալ:

Հեռուստաալիքի զրուցակիցները կարծիք են հայտնել, որ նույն պատճառով Իրանը պատրաստ չէ հարձակվել ամերիկյան զորքերի կամ տարածաշրջանի այլ օբյեկտների վրա:

Այնուամենայնիվ, նրանք նշել են, որ չի կարելի ամբողջությամբ բացառել ամերիկյան օբյեկտների վրա հարձակման հնարավորությունը։